Jedes junge Mädchen wartet auf einen Prinzen, das ist bekannt,
und zwar auf dem „Weißen Ross!“

Daut ess bekaunt, jieda Mejal
Loht oppem Prinz, daut ess normal
Merieche we nu uck soo wiet
Een schmocket Dintj, ´ne feine Brut
Junges kaume nude Rej
Gauwe sich uck aule Mej
Oba Merieche spost nich, aus see sed
„Junges, bloos mett wette Ped“!
„Daut sull sich uck nich eena woage
Veatofoare mett dem Woage“
„Ne ..,“ sed Merieche: „Leewe Lied
Nu mie tjemmt eena bloos - to ried“!
En aus Kerneljes doavon hed
Sodeld hee sien bastet Pet
Hee kun nich meeja ruhich bliewe
Hoaud vere Oge bloos ein Ziel
Hee hed uck nich waut Voda sed
Noam em Galopp futz vone Sted
De fresche Wind jajchjt derch sien Hoa
Hee ess de Prinz, daut ess doch kloa!
See wonde nich kratjt rome Atj    
Daut we aul noch’ne wiede Stratj
Ditt oame Pet juch hee mest doot
Enn siene Odre speld daut Bloot
Von aulen we hee nu de Jratsta
De Ped musst hee een poa mol watjstle
Kerneljes kaum, hee kaum to ried
Merieche sach ahm aul von wiet
Gaunz stolz kaum hee soo aunjerede
Daut Frendschaft head nich opp to rede
Jefoll ahn aula, soo een Tjedel
Bejestat we nu uck ditt Medel
Bloos waut ahr sted, daut we ditt Pet
Daut we mol wada nich soo wet

De junge Tjedel we veleje
Naum sienen Kunta aune Tejel
Noch eenmol wajch von desem Hoff
Leet hinja sich ne Woltj von Stoff
Ne Wetfru hauda sich jefriet
See were jletjlich en tofred

De Joare gohne, daut ess schratjlich
Merieche es aul ewa 30
Ahr weret nu uck gaunz endoont
Woo eena kaum, en wan to foot
Tjetjt tjenem Prinzen hinjaraum
See bruckt nu eenfach eenen Maun


Nies

Medienkonferenz

Leewe Frind en Metuabeda.
De Tiet rant schwinda, aus eena daut haben well. Etj hup, ji haben dem Termin 4. Septamba 2017 aulla en jun Kalenda nenjeschrewen en kume no Mexiko to onse nächste Medienkonferenz.
Wi wellen met de Pluninj de Konferenz aunfangen en wuden ons frejen, wann ji ons june Wensche en Aunrejinje metdeelen, waut wi biem nächsten mul nen nemen selle. Wö saul de Konferenz sene, wöne Teemasch behaundelt en aun waut sel wi ombedinjt dentjen?

Deelt ons daut mejlichst bölt met. Em August fang wi intensiv aun to plunen ;)

Plautdietsche Apps

         

 

 

ewa 70 Aunmaldinje fe de PMK 2

De plautdietsche Medien Konferenz vom 30. Muaz - 2. Aprel en Paraguay - Nielaund talt aul 72 Aunmaldinje. Verdreda vonne plautdietsche Medien komen toop om beta toop to schaufen.

Neuste Neuigkeit

Vom 12.01.15 - 19.01.15 helt Peeta Jisbracht ut Bolivien (Dietschlaund) Erwatjungspredichten en Mexico.

 

Jemende Friedensort KM 21 en Mexico. Hie kaun maun de Predigten aunhorchen.

 

Sponsoren