Feftig Mohn’breew opp eenmol
Ess daut nich eene groote Zohl!
Waut ess daut bloos, mett Kredit’torin;
Feftig Mohn’breew, enn kjeene Uhren!
Wua een Breef aul ess’ne Hahl,
Waut dann, wann ekj bott Feftig tahl!

Gaunz enndoont, woo maun sikj bosst;
Feftig Mohn’breew, enn onnse Post
Sennt von jieda hundat soone
Dee von Mohnen haundeln doonen.
Twee sennt doll bie dee Jeschicht;
Dee dem schrift, enn dee dem Kjricht.

Fe dee Postlied ess daut goot;
Postlied haben Jelt enn Broot,
Ach oba sell wie dann emm Laewen,
Aulles bloos de Postlied jaewen?
Hundat Million 5 cent,
Raekjent doch woo vael daut sennt!

Kjeepen kunn doa dee Rachul,
Wann a maechtig woaren wull;
Omm den Oamen uet’too’seepen,
Enn ahm billig auf’too’kjeepen;
Doa faea haft’a nue dee Quol:
Feftig Mohn’breew opp eenmol.

Nich Rachull deed soo alleen
Uck dee Stollt wia oppe Been;
Enn dee Bieakja seenen deed’a
Aul dee straume, diere Kjleeda
Nich jenueach dee habsucht kjricht
Eatons weeten dee Jeschicht.

Mauncha es doa’raewa krank;
Oh, woo ess dee Mohn’dach lank!
Oh, woo ligg ekj doch doa bennen!
Mucht’et doch ieascht Friedach sennen!
Horch, mien Frint, bliew bie’de Sach:
Ieascht tjemt noch dee Donnadach!

Wann dien Postbacks Mohn’breew haft,
Enn die dise Geissel trafft
Wann due uck mottst dee Mohn’breew lesen,
Dann denkj aun daut, waut ess jewesen.
Hiel omm dee Fegangenheit,
Wann die dee Geissel schleit.


Nies

Medienkonferenz

Leewe Frind en Metuabeda.
De Tiet rant schwinda, aus eena daut haben well. Etj hup, ji haben dem Termin 4. Septamba 2017 aulla en jun Kalenda nenjeschrewen en kume no Mexiko to onse nächste Medienkonferenz.
Wi wellen met de Pluninj de Konferenz aunfangen en wuden ons frejen, wann ji ons june Wensche en Aunrejinje metdeelen, waut wi biem nächsten mul nen nemen selle. Wö saul de Konferenz sene, wöne Teemasch behaundelt en aun waut sel wi ombedinjt dentjen?

Deelt ons daut mejlichst bölt met. Em August fang wi intensiv aun to plunen ;)

Plautdietsche Apps

         

 

 

ewa 70 Aunmaldinje fe de PMK 2

De plautdietsche Medien Konferenz vom 30. Muaz - 2. Aprel en Paraguay - Nielaund talt aul 72 Aunmaldinje. Verdreda vonne plautdietsche Medien komen toop om beta toop to schaufen.

Neuste Neuigkeit

Vom 12.01.15 - 19.01.15 helt Peeta Jisbracht ut Bolivien (Dietschlaund) Erwatjungspredichten en Mexico.

 

Jemende Friedensort KM 21 en Mexico. Hie kaun maun de Predigten aunhorchen.

 

Sponsoren