Tjemt ne Zewentechounjekollat,
Unjekrocht sech nopjeschollat,
Die send te schpehre, eine wecht,
Johre rande, stonde nech.
Etj vestoo- ne Tiehen, Twentech,
Es ve jonge Johre frendlech,
Dartech, fehtech emmachahn,
Ok nermall ve Mensche dann.
Zastech, Zewentech – send oul fehl,
Fe Mensche send die- oul en hodet sehl.
Fe dehn  dü oulet bastet welst,
Fonn Hoote oulet retjtum jelst,
Dout send de Ellere houh jedrogt,
En jonge Johre fresch jekrogt
Nech en die Johre woret schwo we,
En Nout en Honga, oba ne, ne..
Doch en dei Johre wo de Farja bleid,
Dout este Tjent ,wout Mama sehd,
Stond ounfonk Lehwe oppe Schwall,
Dout Lehwe houd noch wetje Schall,
Fehl Tjenja schonk jie desse Welt,
Jün retjtom Tjenja, nech dout elt,
Oul bastet ha jie dehn jejehwe,
Jeleht, wou schworet ewalehwe,
De Grouttjenja send juhn stolz,
Soues dout lehwe- Mensch, wout souls.
De Tjenja send ousn Bloumestrouß,
En sei ve dehn – en Wootaglouß.
Met soune Ellere koun moun lehwe,
Moch Gott junt eiwechtjeit doch jehwe.

Tatjana Klassner 2000

Det Goldne poo set ver ons hie,
Oul miere Tjaste send vebie
No de Jereine vunket oun.
Dann we de Boumwolne oul droun.
Met Opwouschkodere schentje  - fang wie oun,
Eint – fere Frü, det oundre ferem Moun.

Noch twei Jo verande sou,
Dann koum de Ladane Tjast tou,
En Ladareime schentj wie junt beid,
Dout jie junt schnahle futz jescheit.

Noch fief Jo vegoune erstount,
De heltane Tjast es ons beckount,
Heltane Schou wod etj junt schentje,
Fon Elleretiet, dout jie oun dout dentje

Om Tiehen Jo fehd jie Rousane Tjast,
Dann wehre jekoume ok seja vehl Jast,
En rousanet Dook deid de Brüt seja zihre,
Met rousane Rouse deid wie junt Iehre.

Feftien Jo- ne scheine Zool,
Koum de Tjast dann noch emoul,
Peitazeljtjast kroup enne Foup,
Hie ha jie Peitazelj- te Sopp.

De Tiet haft sech nech romjesehte,
Wie ha nech vonne Jelehsane  vejehte.
Dann houd jie oul Jonges, ok Mejales,
Wie doune junt en Glousschoup stahle.

Twentech Jo oul toup jewount,
Reid jie üt dann Porzeloun.
Hie em Porzeloun dout sentje,
En met onsem Preps bedrentje.


Tjast ne Selwane deist spehre,
25 Jo – send ehre,
En det Doustje – es en Dentj,
Dout send –twei Selwanne Renj.

Ouba goldt – es ewa oules,
Tem Jeletj veschloo wie oules,
Loot nech ütgone Brout en Solt,
Te Goldne Tjast, jechet blous Goldt.

Luut Jeletjvogel junt wehle,
Noch vehl Tjaste soul jie spehle
Hie,schentj wie noch en Kopduckschoul,
Dout jüne Leiw jünt woome soul.


Tatjana Klassner.

Ouma en Oupa – send Briegom , en Brüt,
Wie saje dout oulem, gounz dietlech en lüd,
Tjetjemull wou stroum dehn laht,
Oupa sou brouw, Ouma sou nat,.

Tjeinech es Oupa, Ouma Prinzessin,
Von dehn schriewe Fendog rontom de Presse,
Wiels goldne Tjast es eimull em Lehwe,
Wie welle an beid ein Koß Fendog Jehwe.

En saje, wout wie an schentje üt leiw,
Met Golt bemuldna Tjastensbreif.
Do benne steit- wie send an gout,
Wie letjene ahn, von Hüt oun, bat Blout.

Tatjana Klassner

Nü nehme fohtz de Ellere Woot,
Üt dem Ellere Hüß, gohne Tjenja foot,
Die bühwe sech e ejenjet Lehwe,
Tem goudet Grouttjenja ewajehwe.
Dout es nech neidech hie nü roore,
Det’s dietlech,wout jerata Tjenja  woore,
Dei welle dout Lehwe lehwe ous jie,
Jedolt en vehl Leiw wensche dehn wie.
En en jun niejet Femieljelehwe,
woot dout nü ne nieje Schwejasche jehwe.
Tem Ehre, welle Schwiellere hewe,
En wensche – ne Grouttjenja strehwe.

Tatjana Klassner